Friday, 20 September 2013

 

 

എന്റെ കത്തും ബഷീറിന്റെ കുത്തും

ഒരു ആശംസാകുറിപ്പിന്റെ കഥ

മലയാള സിനിമയായ 'കാറ്റത്തെ കിളിക്കൂട്' റിലീസ് ചെയ്ത കാലം. സിനിമയുടെ പത്രപരസ്യത്തില്‍ വൈക്കം മുഹമ്മദ് ബഷീര്‍ ഒപ്പുവെച്ച ഒരു അഭിപ്രായ ശകലം. സംഗതി ഏകദേശം ഇങ്ങനെയായിരുന്നു. "കാറ്റത്തെ കിളിക്കൂട് ഒന്നാന്തരം സിനിമയാണ്. സകുടുംബം കാണാവുന്ന ചിത്രം"

ഇത്തരം പരസ്യവാചകങ്ങള്‍ മുമ്പൊരിക്കലും ബഷീര്‍ പറഞ്ഞിട്ടില്ലെന്നാണ് എന്റ അറിവ്. (ഒരുപക്ഷേ അദ്ദേഹത്തിന് വേണ്ടപ്പെട്ടവരാരെങ്കിലും ആയിരുന്നിരിക്കാം ആ സിനിമ നിര്‍മ്മാണത്തിന് പുറകില്‍ ) ഇതെന്റെ ഉള്ളില്‍ തട്ടി. തന്നെയുമല്ല, വിശ്വവിഖ്യാതമായ മൂക്ക് " എന്ന പുസ്തകം രണ്ടാം പ്രാവശ്യം വായിച്ച കാലവും. ആ കഥയില്‍ ബഷീര്‍ പ്രധാനമായും ഉന്നം വെക്കുന്നത് ഇതാണല്ലോ: എന്തെങ്കിലും ഒരു പ്രത്യേകത, (സിനിമാതാരം ആകണമെന്നൊന്നുമില്ല, മൂക്കു നീണ്ടാലും മതി) ഒരു വ്യക്തിക്കുണ്ടായാല്‍ പിന്നെ ആ വ്യക്തി പറയുന്നതാണ് ഭൂലോക സത്യവും പരമസത്യവും! മൂക്ക് അസാധാരണമായി നീണ്ടു പോയതിന്റെ പേരില്‍ ശ്രദ്ധേയനായപ്പോള്‍ മൂക്കന്‍ തട്ടിവിടുന്ന എല്ലാറ്റിനും ഒരു ആധികാരികത്വം കൈവരുന്നുണ്ടല്ലോ. കാറ്റത്തെ കിളിക്കൂട് എന്ന സിനിമയെ കുറിച്ച് ബഷീര്‍ പതിവില്ലാതെ പരസ്യത്തില്‍ അഭിപ്രായം രേഖപ്പെടുത്തിയത് കണ്ടപ്പോള്‍ ഞാന്‍ ബഷീറിനെഴുതി:

വിശ്വവിഖ്യാതനായ മൂക്കന്റെ സൃഷ്ടാവേ,
ഇങ്ങനെ സംബോധന ചെയ്താല്‍ മൂക്കനാണോ വിശ്വവിഖ്യാതന്‍, സൃഷ്ടാവാണോ വിശ്വവിഖ്യാതന്‍ എന്ന് സംശയം നേരിടാം. രണ്ടായാലും കുഴപ്പമില്ല. എന്തായാലും ആകാശത്തിനു കീഴിലുള്ള സര്‍വ്വമാന സംഗതികളെ കുറിച്ചും അഭിപ്രായം പറഞ്ഞിട്ടുള്ള കൂട്ടത്തില്‍ കാറ്റത്തെ കിളിക്കൂടിനെ കുറിച്ചും മൂക്കന്‍ അഭിപ്രായം പറഞ്ഞിരുന്നുവോ എന്നറിയില്ല.
ഇങ്ങനെ എഴുതാന്‍ എനിക്കെന്താണ് അവകാശം എന്ന് താങ്കള്‍ വിചാരിക്കുന്നുണ്ടാവും. താങ്കളുടെ മിക്കവാറും എല്ല (വി)കൃതികളും എന്റെ ട്യൂട്ടോറിയല്‍ കോളേജിന്റെ ലൈബ്രറിയില്‍ ഉണ്ട് എന്നതു മാത്രമാണ്.

കത്തിന്റെ ഉള്ളടക്കം ഇതായിരുന്നു. മൂക്കനെപോലെയാണോ മൂക്കന്റെ സൃഷ്ടാവും എന്ന എന്റെ മൃദുവായ കുത്ത് അദ്ദേഹത്തിന് ഏറ്റു കാണും. ഞാന്‍ ട്യൂട്ടോറിയല്‍കാരനാണെന്ന് എന്റെ കത്തില്‍ തന്നെ സൂചനയുമുണ്ട്.  അതുവെച്ച് എനിക്കദ്ദേഹം മംഗളം നേര്‍ന്നു.





5 comments:

  1. ha ha ha... Vivaham kazhinju adutha aazhcha, adutha thaavalathil ninnu poyi Bashirine kandirunnu Bepuril... vayyathe kidappiayirunnu.. enkilum kayyuyarthi anugrahichathu orkkunnu..

    ReplyDelete
  2. ഈ അനുഭവസമ്പന്നമാണല്ലോ കുറിപ്പുകള്‍

    ReplyDelete
  3. ഇതു മുന്‍പ് മാഷ് ഞങള്‍ പഠിക്കുമ്പോള്‍ കാണിച്ചു തന്നിട്ടുണ്ട്.....ഞങള്‍ അത്ഭുധപെട്ടിട്ടുണ്ട്.....

    ReplyDelete